AAK kërkon rinumërimin e të gjitha votave, vjen reagimi i Valdete Dakës – Alb'swiss TV
Alb'swiss TV
Lajme

AAK kërkon rinumërimin e të gjitha votave, vjen reagimi i Valdete Dakës

aak-kerkon-rinumerimin-e-te-gjitha-votave,-vjen-reagimi-i-valdete-dakes

Aleanca për Ardhmërinë e Kosovës (AAK), ka kërkuar sot në mbledhjen e KQZ-së, rinumërim të plotë të votave.

Anëtari i AAK-së në KQZ, Ibrahim Selmanaj ka thënë se ka pasur parregullsi në procesin e numërimit dhe ka shtuar se hetuesia duhet të merret me secilin komisionar që kuptohet se ka bërë dallavere.

Ai ka kërkuar nga KQZ-ja që të bëhet rinumërim i plotë në mënyrë që të pastrohet si proces dhe secili të përgjigjet për keqpërdorimet.

Ndërkaq kryetarja e KQZ-së, Valdete Daka ka thënë se sa i përket rinumërimit total, kjo vendoset nga KQZ-ja.

“Sa i përket rinumërimit total të propozuar nga Ibrahimi nuk mund të jap ndonjë mendim, ato janë çështje e KQZ-së dhe nëse merr përkrahje te KQZ-ja atëherë do të ndodhë”, tha Daka.

Ndryshe me këtë kërkesë të AAK-së nuk janë pajtuar nga LVV-ja të cilët e kanë thënë se në rast se kjo ndodh atëherë i bie që i tërë procesi zgjedhor ka qenë i kriminalizuar.

Të ngjajshme

Nga këto Komuna vijnë të infektuarit me koronavirus

albswiss.com

Këto janë fjalët e para të ambasadorit të ri të Kosovës në SHBA

albswiss.com

Fermeri llapjan qe 22 vjet pret grantin për kulmin e fermës që iu dogj në luftë: O Zot a po i sheh

albswiss.com