Kosova e luan sonte ndeshjen e dytë të fazës kualifikuese për Kampionatin Botëror.
Në “Estadio La Cartuja de Sevilla” Spanja e pret Kosovën në takimin e parë mes tyre.
Kosova dhe Spanja bëjnë pjesë në Grupin B kualifikues për Botërorin 2022.
Formacionet startuese:
Kosova: Bernard Challandes do të startojë me Ujkanin në portë. Në qendër të mbrojtjes do të jenë Aliti, Dresevic dhe Vojvoda, kurse në krahë Kololli e Hadërgjonaj.
Në mesfushë do të jenë Kryeziu e Halimi, kuese Celina, Muriqi e Rashica do të jenë sulmues. Një ndryshim që vërehet është lënia jashtë e Arbër Zenelit.
Spanja: Në portë do të jetë Unai Simon, kurse në mbrojtje do të jenë Llorente, Eric Garcia, Martinez dhe Jordi Alba.
Mesfusha përbëhet nga Pedri, Busquets dhe Koke, kurse Dani Olmo dhe Ferran Torres do ta ndihmojnë Moratan në qendër të sulmit.
