Deputetja e PDK-së: Leonora Jakupi shkakton tërmet në Serbi.
Këngëtarja kosovare, Leonora Jakupi së fundmi ka publikuar këngën e saj më të re e cila titullohet “Komandant”.
Kënga i është kushtuar pjesëtarëve të Ushtrisë Çlirimtare të Kosovës të cilët po mbahen në paraburgimin e Gjykatës Speciale në Hagë.
Kënga e saj nuk u prit mirë nga mediat serbe të cilat në artikujt e tyre e cilësuan si skandal.
Këto raportime nga ana e portaleve serbe kanë bërë që të reagojë edhe deputetja e PDK-së, Ganimete Musliu, e cila në profilin e saj në Instagram ka postuar disa tituj të mediave serbe.
Teksa ka postuar këtë fotografi deputetja ka shkruar se “Leonora Jakupi shkakton tërmet në Serbi me këngën komandant”.
