Kryeministri në detyrë liron nga detyra Meliza Haradinajn – Alb'swiss TV
Alb'swiss TV
Lajme

Kryeministri në detyrë liron nga detyra Meliza Haradinajn

kryeministri-ne-detyre-liron-nga-detyra-meliza-haradinajn

Avdullah Hoti liron nga detyra Meliza Haradinajn.

Kryeministri në detyrë i Republikës së Kosovës, Avdullah Hoti, ka liruar sot nga detyra ministren e Punëve të Jashtme dhe Diasporës, Meliza Haradinaj-Stublla.

Ministrja në detyrë Haradinaj-Stublla përmes një letreje i ka ofruar Hotit, dorëheqjen e parevokueshme nga detyra e ministres së Republikës së Kosovës për Punë të Jashtme dhe Diasporës.

Ditëve në vazhdim, kryeministri Hoti do të emërojë ministrin e ri të Punëve të Jashtme dhe Diasporës.

Ministrja në detyrë e Punëve të Jashtme dhe Diasporës, Meliza Haradinaj-Stublla, ka dhënë dorëheqje nga pozita e kryediplomates dhe gjitha funksionet në partinë Aleanca për Ardhmërinë e Kosovës, dhe nga anëtarësia.

Dorëheqja e saj vjen pas publikimit të një video-incizimi në media, ku pretendohet se burri i saj, Dardan Stublla, ia ka blerë votat asaj.

Lajmin se ka dhënë dorëheqje e ka bërë të ditur vetë ajo, përmes një postimi në llogarinë e saj në Facebook.

“Edhe pse në rrethana ende të pasqaruara, e ndodhur në mes të një skeme piramidale të njollosjes, linqimit, presionit, manipulimit dhe shantazhit ndaj meje dhe familjes sime, e konsideroj obligim moral dhe gjënë më të drejtë, dorëheqjen e menjëhershme nga pozita e Ministres së Punëve të Jashtme dhe Diasporës, nga të gjitha funksionet në partinë Aleanca për Ardhmërinë e Kosovës, dhe nga anëtarësia”, ka shkruar Haradinaj-Stublla.

Ajo ka kërkuar rinumërim total të kutive të votimit.

“Për këto arsye, dyshimet janë të bazuara që ka keqpërdorime edhe të kutive tjera, andaj KËRKOJ RINUMËRIM TOTAL. Faktet do t’i paraqes në organet kompetente”, ka shkruar ajo.

Të ngjajshme

Glauk Konjufca flet si kryeparlamentar: Për mua, deputetët e të gjitha partive do të jenë të barabartë

albswiss.com

FSK-së i jepet Kodra që e ka veriun në “pëllëmbë të dorës”, do të ndërtohet bazë ushtarake

albswiss.com

Ja kush është kandidati me më së paku vota në listën e PDK-së

albswiss.com