Mocionet paraprake të Hysni Gucatit dhe Nasim Haradinajt hidhen poshtë – Alb'swiss TV
Alb'swiss TV
Lajme

Mocionet paraprake të Hysni Gucatit dhe Nasim Haradinajt hidhen poshtë

mocionet-paraprake-te-hysni-gucatit-dhe-nasim-haradinajt-hidhen-poshte

Hidhen poshtë mocionet paraprake të Gucatit dhe Haradinajt.

Mocionet paraprake ndaj ish-krerëve të OVL-UÇK’së, Hysni Gucati dhe Nasim Haradinaj janë hedhur poshtë.

Mbrojtja e Gucatit dhe Haradinajt kanë dorëzuar mocionet, duke thënë se ka mangësi në aktakuzën kundër tyre, si dhe nuk e njohin juridiksionin e Dhomave të Specializuara në Hagë.

Gjykatësi i procedurës paraprake Nicolas Giju ka hedhur poshtë mocionet paraprake të Gucatit dhe Haradinajt.

“Gjyqtari i procedurës paraprake konstaton se aktakuza e konfirmuar përcakton me qartësi dhe specifikë të mjaftueshme faktet që mbështesin akuzat dhe krimet. Kundërshtimet e mbrojtjes ndaj formës së aktakuzës së konfirmuar janë refuzuar në përputhje me këto rrethana. Për këtë arsye Gjykatësi i Procedurës paraprake refuzon mocionin paraprak të Gucatit dhe atë të Haradinajt”, thuhet në njoftimin e Dhomave të Specializuara.

Gucati dhe Haradinaj janë arrestuar në shtator të vitit të kaluar, ndërsa akuzohen për “pengim të drejtësisë”.

Të ngjajshme

373 arsimtarë, nxënës dhe personel nëpër shkolla të infektuar me koronavirus

albswiss.com

Merret vendimi, nxënësit e këtyre klasave kthehen në shkolla nga java e ardhshme

albswiss.com

Nesër do të mbahet seanca për zgjedhjen e presidentit

albswiss.com