Referendumi, serbët e Anamoravës votojnë në Vranjë.
Disa serbë nga rajoni i Anamoravës u nisën në mëngjes nga Kufca e Epërme e Gjilanit për në Vranjë të Serbisë, për të votuar në referendumin e palejuar në Kosovë.
Ata u mblodhën tek shkolla “Petar Petroviq Njegosh”, dhe nga aty u nisën me makina private për në qytetin në jug të Serbisë, transmeton Klankosova.
Pas moslejimit nga autoritetet e Kosovës për organizimin e referendumit të Serbisë në Kosovë, qeveria në Beograd, hapi për serbët e Kosovës vendvotime edhe në Rashkë dhe Novi Pazar.
